MODNA (l'ê bela seimper) - Luciano Zanasi, musica di Carlo Notari

MODNA (l'ê bela seimper)

A peins che quand l'invêren
a cala la fumàna
sa fosa anc a l'infêren
a vrev sol eser ché...
L'ê bela fésa e ciunta
l'as taia col curtèl
e po mitig d'azunta
c-l'é na specialité.

Modna l'ê bela seimper,
mo quand l'as mat in tir
cun al so col d'fumàna,
l'at tos fin al respir.
An g'am una muntàgna
e gnanc un gaz ed mer,
dedla da la fumàna
a g'am al mand inter.

Una fumàna bianca
l'ê quala ed la zité
la bagna apeina in téra
cun un fer delichè.
Invece, a la Crusáta
l'ê fésa come un mur
s't'egh pog la bicicláta
la sta in pê da per le.

Modna l'ê bela seimper
mo quand l'as mat in in tir
cun al so col d'fumàna
l'at tos fin al respir.

Beda però fumàna
an fer la birichèina
quacia tot qual ch-et vô,
brisa la Ghirlandèina.


Modena (è bella sempre)

Io penso che quando d'inverno
scende la nebbia,
se fossi anche all'inferno,
vorrei solo essere qui...
Ã? bella fitta, piena,
si taglia col coltello,
e poi, mettici in aggiunta
che è una specialità.

Modena è sempre bella,
ma quando si mette in ghingheri
con il suo collo di nebbia,
ti prende anche il respiro.
Non abbiamo una montagna
e neanche un goccio di mare,
al di là della nebbia
abbiamo il mondo intero.

Una nebbia bianca
è quella della città
bagna appena in terra
con un fare delicato.
Invece, alla Crocetta,
è fitta come un muro,
se ci appoggi la bicicletta
sta in piedi da sola.

Modena è sempre bella,
ma quando si mette in ghingheri
con il suo collo di nebbia
ti prende anche il respiro.

Guarda però, nebbia,
non fare la birichina
copri tutto ciò che vuoi,
ma non la Ghirlandina.