Dedicato a mongi - Euro Carnevali: Al « paradór »

Al « paradór » (1)

Parànd sò vàch e bò in cumpagnìa,
tra i « paradôr » ed « Porta dal Castèl »
al lavurèva, ma spàss a l'osterìa,
al magnèva e bviva, com'un lavèl.

Da per lò, al viviva ai « Du Canèe »
agh piasiva purtèr di scarpèin d' « chevrò »,
fazulàtt al côl, bregh stràti com'anée,
in man, l'inseparabil bastòun pr'i bò.

Come àm, an'n'era pò gnànch brótt,
sèimpr' alégher, e cun zért' eleganza
a chi gh' giva ch'l'era vêcc, màt e pótt,

ló, per dimostrèr ch'al s'in s'fergheva d' tótt,
al s' déva di culpàtt, d' sovra la panza,
e sghignazànd, al gh' fèva in fàcia, un rótt!

(1) Caratteristica macchietta di un mestiere quasi scomparso, il paratore, chi conduce le bestie sciolte, specialmente i buoi.


Il “paratore”

Parando così vacche e buoi in compagnia
tra i paratori di “Porta del Castello”
lavorava, ma spesso all'osteria,
mangiava e beveva, come un lavandino.

Da solo, viveva ai “Due Canali”
Gli piaceva portare delle scarpette di “capra”,
fazzoletto al collo, braghe strette come anelli,
in mano, l'inseparabile bastone per i buoi.

Come uomo, non era poi nemmeno brutto,
sempre allegro, con una certa eleganza
a chi gli diceva che era vecchio, matto e putto,

lui, per dimostrare che se ne fregava del tutto,
si dava dei colpetti, sopra la pancia,
e sghignazzando, gli faceva in faccia, un rutto!